नेपाल–भारत सीमामा भेटियो आधा दर्जन बेवारिसे बम

 एजेन्सी २७ साउन ।  भरतको बहराइच जिल्लाको रुपडियामा रहेको नेपाल–भारत सीमा नजिकै बेवारिसे अवस्थामा ६ वटा बम फेला परेका छन् ।

भारतीय समाचार एजेन्सी एएनआईका अनुसार प्रहरी र सशस्त्र सीमा सुरक्षा बल (एसएसबी) लाई बम फेला परेको समाचार लगत्तै घटनास्थलमा पठाइएको थियो । त्यस्तै, क्षेत्रका सम्बन्धित अधिकारीहरुलाई पनि घटनाको जानकारी दिइएको र यसबारे अनुसन्धान शुरु भइसकेको बताइएको छ ।

यद्यपि, प्रहरीले भने भेटिएका वस्तु बम वा विस्फोटक पदार्थ हो या होइनन् भन्ने कुरा बम डिस्पोजल टोलीले यकिन गर्ने बताएको छ ।भेटिएको वस्तुमाथि डाइनामाइट लेखिएको भए पनि वास्तावमा यो बम हो या होइन भन्ने कुरा आफूहरुले यकिन गर्न नसकेको प्रहरीको भनाई छ । हिजोमात्र अमेठीमा कोलकाताबाट अमृतसर गइरहेको रेलमा धम्कीपूर्णपत्रसहित विस्फोटक पदार्थ भेटिएको थियो ।