थ्रीफेस लाइनको तार चुँडिएर गुडिरहेको मोटरसाइक चालक घाईते

काठमाडौं २७ साउन । पोखरामा गुडिरहेको मोटरसाइकलमा बिजुलीको तार खस्दा एक जना घाइते भएका छन् । उक्त घटनामा पोखरा लेखनाथ महानगरपालिका २० भलामका २६ वर्षीय विष्णु बास्तोला घाइते भएका हुन् ।

महेन्द्र पुलबाट ग ६ प ८१२८ नम्बरको पल्सर मोटरसाईकल चढेर घरतर्फ गइरहेका बास्तोलामाथि रानीपौवा आर्मी क्याम्पअगाडि बिजुलीको तार खसेको थियो । थ्रीफेस लाइनको तार चुँडिएर शरीरमा खसेपछि उनी लड्नुका साथै शरीरमा आगो लागेको थियो । स्थानीयले उद्धार गरेर मणिपाल शिक्षण अस्पताल पुर्याएका बास्तोलाको अवस्था गम्भीर रहेको अस्पताललाई उद्धृत गर्दै प्रहरीले जनाएको छ ।