रुखबाट लडेर वडा सदस्यको मृत्यु

रुकुम, २० साउन । रुकुममा रुखबाट लडेर वडा सदस्यको मृत्यु भएको छ । ५ नम्बर प्रदेशमा पर्ने सिस्ने गाउँपालिका–८ का सदस्य ५३ वर्षीया मेघलाल पुनको रूखबाट लडेर मृत्यु भएको प्रहरीले जानकारी दिएको छ ।
हिजो दिउँसो घर नजिकैको रूखमा बाख्रालाई घाँस काट्दा उनी लडेको बताइएको छ । गम्भीर घाइते भएका पुनलाई उपचारका लागि नेपाजगञ्ज लैजाँदै गर्दा बाटोमा हिजो राति करिब ११ बजेतिर मृत्यु भएको आफन्तले जानकारी दिएका छन् ।