क्यानडा-११ विरुद्ध नेपाल ‘ए’ लाई पहिलो झड्का, अर्जुन कुमाल आउट

काठमाडौं । क्यानडा–११ विरुद्धको एकदिवसीय खेलमा नेपाल ‘ए’ ले पहिलो विकेट गुमाएको छ । नेपालले पहिलो विकेटको रूपमा अर्जुन कुमाललाई गुमाएको हो ।

उनी ७.५ ओभरमा चार रनमा आउट भए । अर्जुन क्यानडाका कप्तान सादबिन जाफरको बलमा आउट भएका हुन् । मूलपानी क्रिकेट ग्राउन्डमा भइरहेको खेलमा क्यानडा–११ विरुद्ध नेपालले टस हारेर ब्याटिङको निम्तो पाएको हो ।

नेपाल क्रिकेट संघ (क्यान) ले पहिलोपटक ‘ए’ टिमको अवधारणा प्रयोग गर्न लागेको हो । नेपालको ‘ए’ टिममा घरेलु प्रतियोगितामा उत्कृष्ट प्रदर्शन गर्दै आएका र राष्ट्रिय टिमबाट बाहिरिएका खेलाडी समावेश छन् ।

प्रकाशित मितिः २०८० फागुन ०६ आइतबार