उत्तर कोरियाली नेता किम र रुसी रक्षामन्त्री साइगुबीच भेटवार्ता

काठमाडौं । उत्तर कोरियाको भ्रमणमा रहेका रुसी रक्षामन्त्री सर्गेई सोइगुले उत्तरकोरियाली नेता किम जोङ उनसँग भेटवार्ता गरेका छन् । उत्तर कोरियाको राजधानी प्योङयाङमा भएको भेटवार्तामा दुई देशबीचको रक्षा सम्बन्धलाई थप मजबुद बनाउने विषयमा केन्द्रीत रहेको उत्तर कोरियाली सञ्चारमाध्यमले जनाएका छन् ।

रक्षा, क्षेत्रीय सुरक्षालगायतका आपसी हितका विषयमा कुराकानी भएको जनाइएको छ । युक्रेन युद्धका कारण पश्चिमा देशहरुसँगको सम्बन्ध बिग्रिएको रुस र पश्चिमाहरुसँग परम्परागत रुमा दुश्मनी राख्दै आएको उत्तर कोरियाबीचको यो वार्तालाई अर्थपूर्ण भनिएको छ ।

वार्तापछि उत्तर कोरियाली नेता किमले रुसी रक्षामन्त्रीलाई क्षेप्यास्त्रहरुको भण्डारण देखाउनु भएको समाचारमा उल्लेख छ । एजेन्सी

प्रकाशित मितिः २०८० साउन ११ बिहिबार