सर्वोच्च धर्मगुरु पोप फ्रान्सिसको ८८ वर्षमा निधन

काठमाडौं । रोमन क्याथोलिक इसाईका सर्वोच्च धर्मगुरु पोप फ्रान्सिसको निधन भएको छ । विगत लामो समयदेखि बिरामी भएका उनी ८८ वर्षका थिए । एपीको रिपोर्टका अनुसार भ्याटिकन क्यामरलेङ्गो कार्डिनल केभिन फारेलले उनको मृत्युको घोषणा गरेका छन्।

यसअघि आइतबारमात्रै पोप सार्वजनिक रुपमा देखा परेका थिए । उनले ईस्टर सन्डेका दिन अमेरिकी उपराष्ट्रपति जेडी भान्ससँग भेटवार्ता गरेका थिए । सन् १९३६ मा अर्जेन्टिनाको ब्युनर्स आयर्समा जन्मेका उनी सन् २०१३ देखि रोमन क्याथोलिक इसाईका सर्वोच्च धर्मगुरुका रुपमा निर्वाचित भएका थिए । उनी लामो समयदेखि निमोनिया र फोक्सको समस्याबाट ग्रसित थिए । हालैमात्र उनले लामो समय अस्पतालमा बिताएका थिए ।