घट्यो सुनचाँदीको मूल्य

काठमाडौं । नेपाली बजारमा आज शुक्रबार सुनचाँदीको मूल्य घटेको छ । हिजोको तुलनामा आज सुन एक हजार रुपैयाँ र चाँदी ५ रुपैयाँले घटेको हो ।

नेपाल सुनचाँदी व्यवसायी महासंघका अनुसार हिजो छापावाल सुनको मूल्य प्रतितोला १ लाख ७१ हजार रुपैयाँ रहेकोमा आज एक हजार रुपैयाँले घटेर एक लाख ७० हजार रुपैयाँमा कारोबार भइरहेको छ ।

त्यस्तै, हिजो तोलाको एक हजार ९ सय ९५ रुपैयाँमा कारोबार भएको चाँदी आज ५ रुपैयाँले घटेर तोलाको एक हजार ९ सय ९० रुपैयाँमा कारोबार भइरहेको महासंघले जनाएको छ ।