भारतीय सेनामा रहेका रानाकाे त्रिशूलीमा मोटरसाइकल दुर्घटना, चालक बेपत्ता, खोजी जारी

काठमाडौं । नारायणगढ–काठमाडौं । सडक खण्डमा  बाइक दुर्घटना हुँदा चालक बेपत्ता भएका छन् ।  शुक्रबार बिहान ११ बजे चितवनको चट्टाने भीर (कालीखोला)मा डिभाइडरमा ठोक्किएर बाइकसहित चालक त्रिशूली नदीमा खसेका हुन् ।

बेपत्ता हुनेमा लमजुङ घर भई चितवनको भरतपुर बस्ने  रोहित राना भएकाे प्रहरीले जनाएको छ । दुर्घटनापछि नेपाल प्रहरी र सशस्त्रको गोताखोर टोलीले चालकको खोजी गरिरहेको जिल्ला प्रहरी कार्यालय चितवनका डीएसपी ज्ञानकुमार महतोले जानकारी दिए । नागरिकता र परिचपयत्रका अनुसार राना भारतीय सेना (इन्डियन आर्मी ) रहेको खुल्न आएको छ । मोटरसाइकलमा कति जना सवार थिए भन्ने खुलिसकेको छैन ।

सशस्त्र प्रहरी, नेपाल प्रहरी र स्थानीयसहितको सहयोगमा खोजी कार्य भइरहेको प्रहरीले जनाएको छ ।