जुवातास खेलिरहेको अवस्थामा ९ जना पक्राउ

कैलाली । कैलालीमा प्रहरीले जुवातास खेलिरहेको अवस्थामा ९ जनालाई हिजो राति पक्राउ गरेको छ ।

प्रहरीले धनगढी उपमहानगरपालिका–४ स्थित डडेल्धुरा आलिताल गाउँपालिका–३ घर भएकी २८ वर्षीया पुजा खड्काको होटल सोल्टीमा जुवातास खेलिरहेको अवस्थामा पुजा समेत ९ जनालाई पक्राउ गरेको हो ।

प्रहरीले उनीहरूलाई नगद १ लाख ९७ हजार ६ सय ७२ रूपैयाँ र २ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।