एकैदिन २७ सय रूपैयाँ घट्यो सुनको मूल्य

काठमाडौं । नेपाली बजारमा आज बुधबार सुनचाँदी मूल्य घटेको छ । हिजोको तुलनामा आज सुन २७ सय र चाँदी १५ रुपैयाँले घटेको हो ।

नेपाल सुनचाँदी व्यवसायी महासंघका अनुसार हिजो छापावाल सुनको मूल्य प्रतितोला १ लाख ७० हजार २ सय रुपैयाँ रहेकोमा आज २७ सय रुपैयाँले घटेर एक लाख ६७ हजार ५ सय रुपैयाँमा कारोबार भइरहेको छ ।

त्यस्तै, हिजो तोलाको एक हजार ९ सय ४५ रुपैयाँमा कारोबार भएको चाँदी आज १५ रुपैयाँले घटेर तोलाको एक हजार ९ सय ३० रुपैयाँमा कारोबार भइरहेको महासंघले जनाएको छ ।