आज विश्व क्यान्सर दिवस, विभिन्न चेतनामूलक कार्यक्रम गरेर मनाइँदै

भक्तपुर । आज विश्व क्यान्सर दिवस विभिन्न चेतनामूलक कार्यक्रम गरेर मनाइँदै छ । क्यान्सर रोगबारे जनचेतना जगाउने उद्देश्यले प्रत्येक वर्षको फेब्रुवरी ४ तारिखमा विश्वभर यो दिवस मनाउने गरिन्छ । यो वर्षको नारा ‘पृथकतामा एकताः क्यान्सर भोगाइका कथाहरू’ रहेको छ ।

अन्धविश्वासका कारण नेपालमा क्यान्सर रोगीको संख्या बढिरहेका बेला बर्सेनी चेतनामूलक कार्यक्रम गरेर क्यान्सरविरुद्धको दिवस मनाउने गरिएको छ । क्यान्सर रोग निबारणका लागि आज पनि सरकारीसँगै विभिन्न गैरसरकारी संघसंस्थाहरुले चेतनामूलक कार्यक्रमहरुको आयोजना गरेका छन् ।

सन् २०२२ को एक अध्ययनले विश्वभर करिब दुई करोड क्यान्सरपीडित रहेका देखाएको छ । जसमध्ये ९७ लाखभन्दा बढीले ज्यान गुमाएका छन् ।

सन् २०२२ मा नेपालमा क्यान्सरका २२ हजार बिरामी थपिएका थिए । यसमध्ये १४ हजारभन्दा बढीले ज्यान गुमाए ।