पूजा महतो यू–१९ विश्वकपको ‘टिम अफ द टुर्नामेन्ट’ मा

काठमाडौं । यु–१९ विश्वकपको ‘टिम अफ द टुर्नामेन्ट’ मा नेपाली महिला टोलीकी कप्तान पूजा महतो परेकी छन् ।

अन्तर्राष्ट्रिय क्रिकेट परिषद् (आइसिसी) ले आज घोषणा गरेको १२ खेलाडीमा पूजा पनि समावेश भएकी हुन् । उनी टोलीमा पर्ने एसोसिएट राष्ट्रकी एक मात्रै खेलाडी हुन् ।

उनले विश्वकप ५ खेलमा २३.३३ को औसतमा ७० रन बनाएकी थिइन् । यस्तै, पूजाको नाममा ९ विकेट समेत रहेको छ ।

टिम अफ द टुर्नामेन्टमा भारतका ४, दक्षिण अफ्रिकाका ३, इङ्ग्ल्याण्डका २ तथा नेपाल, श्रीलंका र अस्ट्रेलियाका समान १ खेलाडी रहेका छन् ।