अष्ट्रेलियाले नेपाललाई दियो १४० रनको लक्ष्य

काठमाडौं । आईसीसी यू–१९ महिला टी–ट्वान्टी विश्वकपको आफ्नो तेस्रो खेलमा अस्ट्रेलियाले नेपाललाई १४० रनको लक्ष्य दिएको छ ।

वाइएसडी युकेएम क्रिकेट ओभलमा टस जितेर पहिला ब्याटिङ थालेको अस्ट्रेलियाले निर्धारित २० ओभरमा ६ विकेट गुमाउँदै १३९ रन बनाएको हो ।

अस्ट्रेलियाका लागि काओइमहे ब्रेले ४५, एलेनोर लारोसाले ३१, हसरत गिलले ३०, क्लो आइन्सवर्थले अविजित १६ तथा कप्तान लुसी ह्यामिल्टनले १४ रन बनाए ।

नेपालकी कप्तान पूजा महतोले तीन, सिमाना केसीले दुई र रिया शर्माले एक विकेट लिए ।