‘मायावी’ को गीत ‘सितारा जडेको’ सार्वजनिक

भक्तपुर न्यूज

९ माघ २०८१ १२:५८

‘मायावी’ को गीत ‘सितारा जडेको’ सार्वजनिक

काठमाडौं । नेपाली चलचित्र ‘मायावी’ को नयाँ गीत ‘सितारा जडेको’ सार्वजनिक भएको छ ।

दिवाकर भट्टराईको लेखन तथा निर्देशन रहेको चलचित्र ‘मायावी’ को गीत मंगलबार सार्वजनिक गरिएको हो ।

सार्वजनिक गीतको भिडियोमा चलचित्रका शीर्ष कलाकार पल शाह, दीपिका प्रसाईं र नव–अभिनेता समिम खान फिचर्ड छन् । गीतमा बिदाइको क्षणलाई वर्णन गरिएको छ विवाहको परिवेशमा रहेर यसको भिडियो तयार पारिएको छ ।

यस गीतमा दीक्षित पौडेल र समीरा थपलियाले स्वर दिएका छन् । गीतका शब्द दयाराम पाण्डे र निर्देशक भट्टराईले लेखेका हुन् । संगीत संयोजन शम्भुजित बास्कोटाको हो । भिडियोको कोरियोग्राफर पनि निर्देशक भट्टराई स्वयं हुन् ।

चलचित्रमा पल, दीपिका र समिमसँगै प्रशान्त ताम्राकार, सुशील सिटौला, करिश्मा श्रेष्ठ, लक्ष्मी गिरी, अंशु महर्जन, रवि डंगोल, राजाराम पौडेल, रमा प्रसाईं लगायतको अभिनय छ ।


प्रतिक्रिया

Leave a Reply

Your email address will not be published. Required fields are marked *