बढ्यो सुनचाँदीको मूल्य

काठमाडौं । नेपाली बजारमा आज मंगलबार सुनचाँदीको मूल्य बढेको छ । हिजोको तुलनामा आज सुनको मूल्य प्रतितोला ११ सय र चाँदीको मूल्य १५ रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन तोलामा एक लाख ५८ हजार एक सय रुपैयाँ कायम भएको छ । हिजो छापावाल सुन तोलामा एक लाख ५७ हजार रुपैयाँ कायम भएको थियो ।

हिजो तोलामा १ हजार ८ सय ६० रुपैयाँ कायम भएको चाँदीको मूल्य आज १५ रुपैयाँले बढेर तोलामा १ हजार ८ सय ७५ रुपैयाँ कायम भएको महासंघले जनाएको छ ।