८ सयले घट्यो सुनको मूल्य

काठमाडौं । साताको पहिलो कारोबार दिन आज आइतबार नेपाली बजारमा सुनचाँदीको मूल्य घटेको छ । शुक्रबारको तुलनामा आज सुनको मूल्य प्रतितोला ८ सय र चाँदीको मूल्य ३० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन तोलामा एक लाख ५७ हजार एक सय रुपैयाँ कायम भएको छ । यसअघि शुक्रबार छापावाल सुन तोलामा एक लाख ५७ हजार ९ सय रुपैयाँ कायम भएको थियो ।

शुक्रबार तोलामा १ हजार ८ सय ९० रुपैयाँ कायम भएको चाँदीको मूल्य आज ३० रुपैयाँले घटेर तोलामा १ हजार ८ सय ६० रुपैयाँ कायम भएको महासंघले जनाएको छ ।