एकैदिन तोलामा १६ सय रुपैयाँ बढ्यो सुन

काठमाडौं । नेपाली बजारमा आज आइतबार सुनचाँदीको मूल्य बढेको छ । शुक्रबारको तुलनामा आज सुन १६ सय र चाँदी १५ रुपैयाँले बढेको हो ।

नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला १ लाख ५४ हजार एक सय रहेकोमा आज १६ सय रुपैयाँले बढेर एक लाख ५५ हजार ७ सय रुपैयाँमा कारोबार भइरहेको छ ।

त्यस्तै, शुक्रबार तोलाको एक हजार ८ सय ४५ रुपैयाँमा कारोबार भएको चाँदी आज १५ रुपैयाँले बढेर तोलाको एक हजार ८ सय ६० रुपैयाँमा कारोबार भइरहेको महासंघले जनाएको छ ।