देउवालाई भेट्न लिङ्देन बूढानीलकण्ठमा

काठमाडौं । राप्रपा अध्यक्ष राजेन्द्र लिङ्देनले कांग्रेस सभापति एवं पूर्वप्रधानमन्त्री शेरबहादुर देउवासँग भेटवार्ता गरेका छन् ।

देउवालाई भेट्न लिङ्देन मंगलबार देउवा निवास बूढानीलकण्ठ पुगेका हुन् । पुस २७ गते राप्रपाले आयोजना गरेको चियापानको निमन्त्रणा दिन लिङ्देन बूढानीलकण्ठ पुगेको राप्रपा स्रोतले बतायो ।

पृथ्वी जयन्तीको दिन राप्रपाले चियापान आयोजना गरेको छ । भेटको अवसरमा समसामयिक राजनीतिक घटनाक्रमको विषयमा समेत छलफल भएको राप्रपा स्रोतले बतायो ।