मोरङमा हात्तीको आक्रमणबाट महिलाको मृत्यु

काठमाडौं । घाँस दाउराका लागि जंगलमा गएकी सुन्दरहरैँचाकी एक महिलाको हात्तीको आक्रमणबाट मृत्यु भएको छ । मृत्यु हुनेमा मोरङको सुन्दरहरैँचा नगरपालिका–५ डिपुकी ६० वर्षीया चन्द्रकला लिम्बू रहेकी छन् ।

चन्द्रकला सोमबार घाँस दाउराका लागि जंगलमा गएकी थिइन् । साँझसम्म घर नआएकी चन्द्रकलालाई आज बिहान ६ बजेतिर स्थानीयले खोल्सीको किनारमा मृत अवस्थामा भेटेको प्रहरीले जनाएको छ ।