एनपीएलको टिकटिङ पार्टनर ‘खल्ती’ हुने

काठमाडौं । नेपाल प्रिमियर लिग (एनपीएल) को टिकटिङ पार्टनरको रुपमा खल्ती हुने भएको छ। नेपाल क्रिकेट संघ (क्यान) र खल्तीबीच पार्टनसिपको लागि बुधबार सम्झौता भएको हो। क्यानका तर्फबाट सचिव पारस खड्काले सम्झौता पत्रमा हस्तक्षर गरे।

एनपीएलको मुख्य प्रायोजक सिद्धार्थ बैंक रहेको छ। आगामी मसिंर १५ गतेदेखि हुने एनपीएलका सबै खेल काठमाडौँस्तिथित त्रिवि क्रिकेट मैदानमा हुनेछ। पहिला संस्करणको एनपीएलमा कूल ८ टोलीबीच प्रतिस्पर्धा हुनेछ।