चितवन राइनोजको जर्सी र मस्कट सार्वजनिक

काठमाडौं । नेपाल प्रिमियर लिग (एनपीएल)मा सहभागी क्लब चितवन राइनोजले टोलीको जर्सी, मस्कट र एन्थम सार्वजनिक गरेको छ।

चितवन राइनोजको जर्सीको कलर हल्का खैरो रंगको छ। एक सिंगे गैडासँग मिलाएर जर्सीको रंग निर्धारण गरिएको र मस्कटमा एक सिंगे गैडा रहेको क्लबले जनाएको छ। चितवन मेडिकल कलेजले एक करोड ७६ लाख एक हजार रुपैयाँमा खरिद गरेको चितवन राइनोजका मार्की खेलाडी कुशल मल्ल हुन्।

जर्सी, मस्कट र एन्थम सार्वजनिक समारोहमा भरतपुर महानगर प्रमुख रेणु दाहाल, चितवनका प्रमुख जिल्ला अधिकारी प्रकाश पौडेल, चितवन मेडिकल कलेजका अध्यक्ष डा. हरिशचन्द्र न्यौपाने, चितवन राइनोजका अध्यक्ष आयुष न्यौपानेलगायतको उपस्थित थिए।