सुनको मूल्यमा फेरि नयाँ रेकर्ड कायम, तोलाको कति पुग्यो?

काठमाडौं । आज पनि सुनको मूल्यले उच्च मूल्यको रेकर्ड कायम गरेको छ । नेपाल सुनचाँदी व्यवसायी महासंघकाअनुसार बिहीबार छापावाल सुनको मूल्य तोलाको १ लाख ७१ हजार रुपैयाँ कायम हुँदै रेकर्ड कायम गरेको हो ।

यो अहिलेसम्मकै उच्च मूल्य हो । यसअघि बुधबार छापावाल सुन तोलाको १ लाख ७० हजार ७ सय रूपैयाँमा कारोबार भएको थियो । यस्तै, आज चाँदीको मूल्य भने घटेको छ । बिहीबार चाँदी तोलामा ३० रूपैयाँले घटेर प्रतितोला २ हजार ९० रूपैयाँमा कारोबार भइरहेको महासंघले जनाएको छ ।