राष्ट्रिय सभाअन्तर्गतका दुई संसदीय समिति सभापतिको निर्वाचन कार्यतालिका सार्वजनिक

काठमाडौं । राष्ट्रिय सभा अन्तर्गत दुई संसदीय समितिका सभापतिको निर्वाचन तालिका सार्वजनिक गरिएको छ । निर्वाचन भदौ ३१ गते हुँदैछ ।

राष्ट्रिय सभा नियमावली २०७५ को १५० बमोजिम विधायन व्यवस्थापन समिति र सार्वजनिक नीति तथा प्रत्यायोजित विधायन समितिका रिक्त सभापति पदका हुने निर्वाचनका लागि राष्ट्रिय सभाका सचिव डा. सुरेन्द्र अर्यालले बुधबार कार्यतालिका सार्वजनिक गरेका हुन् ।

कार्यतालिका अनुसार भदौ ३० गते आइतबार उम्मेदवारी दर्ता सोही दिन १ बजे उम्मेदवारको सूची प्रकाशन गर्ने र भदौ ३१ गते १ बजे समितिको बैठकमा प्रस्तावकले प्रस्ताव प्रस्तुत गर्ने, समर्थकले समर्थन गर्ने र प्रस्तावलाई निर्णायर्थ प्रस्तुत गर्ने कार्यक्रम रहेको छ ।