पूर्वपति नागा चैतन्यले इन्गेजमेन्ट गरेलगत्तै सामन्थाको पनि प्रेमको चर्चा सुरु

काठमाडौं । दक्षिण भारतीय नायिका शोभिता धुलिपाला र नायक नागा चैतन्यले इन्गेजमेन्टको चर्चा सेलाउन नपाउँदै चैतन्यकी पूर्वपत्नी सामन्था रुथ प्रभुको पनि अफेयरको चर्चा सुरु भएको छ। शोभिता धुलिपला र नागा चैतन्यले सबैलाई चकित पार्दै आफ्नो सम्बन्धबारे खुलासा गर्दै इन्गेजमेन्ट गरेका हुन्।

नागा चैतन्यसँग भर्खरै इन्गेजमेन्ट गरेकी शाेभिता धुलिपयायसैबीच अब नागा चैतन्यकी पूर्वपत्नी सामन्थाको बारेमा पनि एउटा यस्तै खबर सार्वजनिक भएको छ। भारतको इन्टरटेनमेन्ट न्यूजका अनुसार सामन्था अहिले कसैसंँग प्रेममा परेकी छन्।

समाचारका अनुसार सामन्था रुथ प्रभु द फ्यामिली म्यान निर्देशक राज निदिमोरुलाई डेट गरिरहेकी छन्। सामन्था रुथ र राज निदिमोरु ‘सिटाडेल: हनी बन्नी’मा सँगै काम गर्दा नजिक भएको समाचारमा उल्लेख छ।

फ्यामिली म्यानका निर्देशक राज निदिमोरु र चैतन्यकी पूर्वपत्नी सामन्था रुथ प्रभु राज निदिमोरुले ‘द फ्यामिली म्यान’ मार्फत बलिउडमा आफ्नो छाप छोडेका निर्देशक हुन्। हाल उनी ‘सिटाडेल: हनी बन्नी’ फिल्मको प्रोष्ट प्रोडक्सनको काममा छन्।