रास्वपाले असोज १ र २ गते काठमाडौंमा राष्ट्रिय भेला गर्ने

काठमाडौं । राष्ट्रिय स्वतन्त्र पार्टीले असोज १ र २ गते काठमाडौंमा राष्ट्रिय भेला गर्ने भएको छ । बुधबार केन्द्रीय कार्यालयमा बसेको पार्टी सचिवालयको बैठकले उक्त निर्णय गरेको कार्यवाहक प्रवक्ता मनिष झाले जानकारी दिए । राष्ट्रिय भेलाभन्दा अगाडि सातै प्रदेशमा भेला गर्ने पनि निर्णय भएको छ ।

यस्तै, राष्ट्रिय भेलामा सभापति रवि लामिछानेको राजनीतिक प्रतिवेदन, विधान संशोधन प्रस्ताव र ‘क्लोज क्याम्प दौरान छलफल भएका ६ वटा विषयमा (विचार, संगठन, संसदीय मामिला, अभियान, मूल्य–मान्यता र उम्मेदवार क्लव/लिडरसिप एकेडेमी)मा छलफल गर्ने निर्णय भएको झाले बताए ।