दिल्लीका मुख्यमन्त्री केजरीवालको अन्तरिम जमानत दिन अस्वीकार

काठमाडौं । भारतको सर्वोच्च अदालतले दिल्लीका मुख्यमन्त्री अरविन्द केजरीवाललाई अन्तरिम जमानत दिन अस्वीकार गरेको छ । पीटीआईका अनुसार सर्वोच्चले यस मामिलामा सीबीआईलाई नोटिस जारी गरेको छ । साथै, अर्को सुनुवाइ २३ अगस्टमा हुने भएको छ ।

केजरीवालको जेल सजायलाई कायम राख्ने दिल्ली उच्च अदालतको आदेशलाई चुनौती दिने याचिकाको सन्दर्भमा यो सूचना जारी गरिएको हो । सीबीआईले अगस्ट २३ सम्ममा सर्वोच्चमा जवाफ पेश गर्नुपर्नेछ ।

केजरीवाललाई दिल्लीको मदिरा नीतिमा भएको कथित घोटालासँग सम्बन्धित मुद्दामा गत मार्च २१ मा ईडीले पक्राउ गरेको थियो । जेलमा रहँदा उनलाई भ्रष्टाचारको मुद्दामा सीबीआईले पक्राउ पनि गरेको थियो ।