बेलायत पठाइदिन्छु भन्दै रकम ठगी गरेको अभियोगमा एक जना पक्राउ

काठमाडौं । बेलायत पठाइदिन्छु भन्दै रकम ठगी गरेको अभियोगमा एक जना पक्राउ परेका छन् । पक्राउ पर्नेमा सिन्धुली फिक्कल गाउँपालिका-३ घर भई काठमाडौं महानगरपालिका-३१ शान्तिनगर बस्ने ३३ वर्षीय रवि क्षेत्री रहेका छन् । उनलाई प्रहरीले सोमबार पक्राउ गरेको हो ।

उनी आकर्षक तलबको प्रलोभन देखाएर बेलायत पठाइदन्छु भन्दै १ जना पीडितबाट ५ लाख २० हजार रूपैयाँ लिई सम्पर्कविहीन भएपछि पीडितले उजुरी दिएका थिए । पीडितको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं तीनकुनेबाट पक्राउ गरेको हो ।

उनलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ।