के कुशा कपिलासँग डेट गर्दैछन् अर्जुन कपूर ?

काठमाडौं । अभिनेत्री कुशा कपिला सामाजिक सञ्जालमा आफ्नो कमेडी भिडिओलाई लिएर चर्चामा आइरहन्छिन्। उनी आफ्नो व्यक्तिगत जीवनलाई लिएर पनि उतिकै चर्चामा आउने गर्छिन्। उनले गतवर्ष जोरावर अहलूवालियासँग सम्बन्ध विच्छेदको घोषणा गरेकी थिइन्। हाल उनको नाम अर्जुन कपूरसँग जोडिरहेको छ।

कुशा आफ्नो आगामी सिरिज ‘लाइफ हिल गई’ को प्रचारमा व्यस्त छिन्। यसैक्रममा उनलाई अर्जुन कपूरको बारेमा प्रश्न सोधिएको थियो। उनले अर्जुनलाई ह्याजट्याग कपूर नाम दिएकी छन्। अर्जुन र कुशाको डेटिङको चर्चा गतवर्ष देखि सुरू भएको हो। यसबारे कुशाले पनि आफ्नो प्रतिक्रिया दिएका छन् ।

उनले भने,‘हरेक दिन आफ्नो बारेमा यति धेरै बकवास देख्छु कि मैले आफ्नो औपचारिक परिचय गराउनु पर्छ । म केवल प्रार्थना गर्छु कि मेरी आमाले यो सबै नपढून्। उनको सामाजिक जीवन स्तब्ध हुनेछ।' एकातिर कुशाले यसबारे प्रतिक्रिया दिएका छन् भने अर्कोतर्फ अर्जुनको तर्फबाट भने अहिलेसम्म कुनै प्रतिक्रिया आएको छैन ।

उनीहरू करण जोहरको घरको पार्टीमा भेटेका थिए। केही समयअघि अर्जुन कपूरले मलाइका अरोडासँग ब्रेकअप गरेका छन्। तर उनीहरू दुवैले यस विषयमा खुलेर कुरा गरेका छैनन्। कुशाले ‘घोस्ट स्टोरीज’ बाट बलिउडमा डेब्यू गरेकी हुन्। उनले केही सिरिजमा समेत अभिनय गरेकी छन्।