सुनको मूल्य ६ सय रुपैयाँले बढ्यो, कतिमा हुँदैछ कारोबार ?

काठमाडौं । नेपाली बजारमा आज सुनको मूल्य बढेको छ । नेपाल सुनचाँदी व्यवसायी महासंघका अनुसार बुधबार छापावाल सुन तोलामा ६ सय रूपैयाँले बढेर १ लाख ३८ हजार २ सय रूपैयाँमा कारोबार भइरहेको छ ।

तेजाबी सुनको मूल्य तोलाको १ लाख ३७ हजार ५ सय ५० रूपैयाँ कायम भएको छ । यस्तै बुधबार चाँदीको मूल्य पनि तोलामा १० रूपैयाँले बढेर प्रतितोला १ हजार ९ सय ३० रूपैयाँमा कारोबार भइरहेको महासंघले जनाएको छ ।

प्रकाशित मितिः २०८१ जेठ १६ बुधबार