आज नेपालले भारतसँग प्रतिस्पर्धा गर्दै

काठमाडौं । नेपाली राष्ट्रिय पुरुष भलिबल टिमले आज भारतको राष्ट्रिय टिमसँग पहिलो मैत्रीपूर्ण खेल खेल्दैछ । वैदेशिक प्रशिक्षणका लागि भारतमा रहेको नेपाली टिमले आज भारतको राष्ट्रिय टिमसँग पहिलो मैत्रीपूर्ण खेल खेल्न लागेको हो ।

खेल बैंगलोरस्थित साउदर्न साई कभर्डहलमा साँझ ५ बजेपछि सुरु हुनेछ । भारतीय भलिबल फेडेरेसनको निमन्त्रणमा नेपालले भारतीय टोलीसँग तीन मैत्रीपुर्ण खेल खेल्नुको साथै प्रशिक्षण पनि गर्नेछ । मैत्रीपुर्ण खेललाई सागको तयारीको रुपमा लिइएको छ ।

नेपालले दोस्रो खेल कात्तिक २९ र तेस्रो खेल मंसिर २ गते खेल्नेछ । सागको लागि भारतीय टिम पनि बैंगलोरमा प्रशिक्षण गरिरहेका छन् ।

प्रकाशित मितिः २०७६ कार्तिक २७ बुधबार