नेकपाको संगठन विभागमा तीन सदस्य थपिए

काठमाडौं । नेपाल कम्युनिस्ट पार्टी नेकपाले संगठन विभागमा तीन जना सदस्य मनोनीत गरेको छ । आज बसेको सचिवालय बैठकले अष्टलक्ष्मी शाक्य, भानुभक्त ढकाल र हरि अधिकारीलाई संगठन विभागमा सदस्य मनोनित गर्ने निर्णय गरेको हो ।

तीन जना सदस्य थपिएसँगै नेकपाको संगठन विभाग पाँच सदस्यीय बनेको छ । यसअघि संगठन विभागको प्रमुखमा वामदेव गौतम र उपप्रमुखमा जनार्दन शर्मा ‘प्रभाकर’मात्र थिए ।

यस्तै, बैठकले मंसिर १४ गते हुने उपनिर्वाचनको तयारीमा जुट्न पार्टी कार्यकर्तालाई निर्देशन दिएको छ ।बैठकले उपनिर्वाचन हुने क्षेत्रको उम्मेद्वारका लागि कात्तिक १० गतेसम्म उम्मेद्वारको नामावली केन्द्रमा पठाउन मातहतका कमिटीलाई निर्देशन दिएको नेकपाका प्रवक्ता नारायणकाजी श्रेष्ठले बताए ।

प्रकाशित मितिः २०७६ असोज २९ बुधबार