त्रिशूलीमा ट्रक खस्यो, २ को मृत्यु

भक्तपुर न्यूज

२० असार २०७६ ६:१७

त्रिशूलीमा ट्रक खस्यो, २ को मृत्यु

काठमाडौँ । पृथ्वीराजमार्गअन्तर्गत चितवनको इच्छाकामना–३ चुम्लिङटार नजिकैबाट त्रिशूली नदीमा एकाबिहानै ट्रक खसेर दुर्घटना भएको छ। दुर्घटनामा परी २ जनाको घटनास्थलमै मृत्यु भएको छ ।

शुक्रबार बिहान ६ बजेतिर मुग्लिनबाट काठमाडौं जाँदै गरेको ना७ख६७६५ नम्बरको इँटा बोकेको ट्रक त्रिशूलीमा खसेको हो ।

दुर्घटनामा एक जना घाइते भएका छन्। घाइतेको उद्धार गरी उपचारका लागि भरतपुर पठाइएको इलाका प्रहरी कार्यालय मुग्लिनले जनाएको छ।

प्रहरीका अनुसार घाइते र मृतक दुवैको परिचय खुलेको छैन। अहिले नदी किनारबाट मृतकको शवलाई बाहिर निकाल्ने प्रयास भइरहेको छ। थप विवरण आउन बाँकी छ।

प्रकाशित मितिः २०७६ असार २० शुक्रवार


प्रतिक्रिया

Leave a Reply

Your email address will not be published. Required fields are marked *