मालपोत कार्यालयमा आगलागी हुदाँ १० लाख बराबरको क्षति

काठमाडौँ । कपिलवस्तुको भूमिसुधार तथा मालपोत कार्यालयमा आज बिहान आगलागी भएको छ ।

सदरमुकाम तौलिहवामा रहेको कार्यालयको माथिल्लो तल्लामा रहेको कार्यालय प्रमुखको कार्यकक्षमा आगलागी हुँदा करिब १० लाख रुपैयाँ बराबरको क्षति भएको प्रहरीले जनाएको छ । आगलागीबाट कम्प्युटर, प्रिन्टर मेसिन, फोटोकपी मेसिन, फर्निचर पुर्णरुपमा जलेर नष्ट भएका छन् ।

बिहान पौने ८ बजेदेखि सुरु भएको आगलागी प्रहरी, कपिलवस्तु नगरपालिकाको दमकल र स्थानीयको सहयोगमा आधा घण्टापछि नियन्त्रणमा आएको थियो । विद्युत सर्ट भएर आगलागी भएको प्रहरी अनुमान छ ।

प्रकाशित मितिः २०७६ असार १५ आइतबार