म्यानचेस्टर युनाईटेडले आर्सनललाई हरायो

एजेन्सी, १७ मंसिर । इंग्लिस प्रिमियर लिग फुटबलमा म्यान्चेस्टर युनाईटेडले आर्सनललाई हराएको छ । गएराती आर्सनलको मैदानमा भएको खेलमा म्यानचेस्टर युनाईटेडले आर्सनललाई ३–१ ले हराएको हो ।
म्यानचेस्टर युनाईटेडका लागि जेस्सी लिङ्गार्डले दुई तथा एन्टोनियो भ्यालेन्सियाले एक गोल गरे । आर्सनलका अलेक्जेण्डर लाकाजेट्ले एक गोल गरे ।
प्रिमियर लिगअन्तर्गत कै अर्को खेलमा चेल्सीले न्युकासल युनाईटेडलाई ३–१ ले हरायो । चेल्सीका लागि एडिन हाजार्डले दुई तथा अल्भारो मोराटाले एक गोल गरे ।
यसैगरी लिरभपुलले ब्राईटनलाई ५–१ ले हरायो । लिभरपूलको लागि रोबर्टो फर्मिनोले दुई गोल गर्दा फिलिप कौटिन्हो र एम्रे च्यानले एक–एक गोल गरे । ब्राईटनका लेविस डङ्कले एक आत्मघाती गोल गरेका थिए ।
प्रिमियर लिग फुटबलमा वाट्फोर्डले टोटनह्याम हट्सपरलाई १–१ गोलको बराबरीमा रोक्दा एभर्टनले हडर्सफिल्ड टाउनलाई २–० ले हरायो ।
गएराति नैं लेष्टर सिटीले बर्न्लेलाई १–० ले हराँउदा स्टोक सिटीले स्वान्सी सिटीलाई २–१ ले पराजित गरेको छ । वेष्ट ब्रोम र क्रिष्टल प्यालेसले भने गोलरहित बराबरी खेले ।