इपिएल क्रिकेटको खेल तालिका सार्वजनिक

काठमाडौं, १५ मंसिर । आगामी पुस ३ गतेबाट हुने एभरेस्ट प्रिमियर लिग (इपिएल) क्रिकेट प्रतियोगिताको खेल तालिका सार्वजनिक भएको छ । १२ दिनसम्म चल्ने प्रतियोगिताको उद्घाटन खेल पुस ३ गते काठमाडौं किङस् इलाभेन र ललितपुर प्याट्रियोर्टबीच हुने छ ।
त्रिभुवन विश्वविद्यालयको क्रिकेट मैदान कीर्तिपुरमा हुने प्रतियोगितामा ६ टिमले १९ खेल खेल्नेछन् । प्रतियोगितामा काठमाडौं किंग्स इलेभेन, ललितपुर प्याट्रियोर्ट, विराटनगर वारियर्स, भैरहवा ग्लाडिएटर, पोखरा राइनोज र चितवन टाइगर्स प्रतिस्पर्धा गर्नेछन् । प्रतियोगिताको विजेता टोलीले २१ लाख प्राप्त गर्नेछ, जुन नेपाली क्रिकेटको इतिहासमा सर्वाधिक पुरस्कार राशि हो ।