प्रतिबन्धले परमाणु कार्यक्रम नरोकिने : उत्तर कोरिया

एजेन्सी, ३ असोज । उत्तर कोरियाले आफूमाथि लगाइने प्रतिबन्ध तथा दिइने दबाबले परमाणु कार्यक्रम रोकिने भन्दा पनि बढ्ने चेतावनी दिएको छ । उत्तर कोरियाले प्रतिबन्ध तथा दबाबले आफ्नो परमाणु कार्यक्रम नरोकिने बरु यसले परमाणु कार्यक्रम थप हुने चेतावनी दिएको हो ।
पछिल्लो पटक गरेको परमाणु परीक्षण तथा मिसाइल आक्रमणलाई लिएर संयुक्त राष्ट्रसंघले उत्तर कोरियामाथिको प्रतिबन्ध थप कडा बनाएको छ । तर संयुक्त राष्ट्रसंघले आफूमाथि लगाएको नयाँ प्रतिबन्धको कडा निन्दा गरेको उत्तर कोरियाले संयुक्त राष्ट्रसंघको कार्य अमानवीय, अनैतिक र क्रुर रहेको बताएको छ । यसले तनाव र शत्रुता बढाउने उत्तर कोरियाले चेतावनी दिएको छ ।