म्यानचेस्टर युनाइटेडको तेस्रो जित

एजेन्सी, ११ भदौ । म्यानचेस्टर युनाइटेडले इंग्लिस प्रिमियर लिग फुटबलमा तेस्रो जित दर्ता गरेको छ । लिग अन्तर्गत गएराति भएको खेलमा म्यानचेस्टर युनाइटेडले लेस्टर सिटीलाई २–० ले हराएर लगातार तेस्रो जित दर्ता गरेको हो ।
म्यानचेस्टर युनाइटेडलाई जिताउन दुवै गोल सबस्टिच्युडको रुपमा आएका मार्कस रास्फोर्डले ७० औं मिनेटमा र ८२ औं मिनेटमा मारुउएना फेलाइनीले गोल गरे ।
तीन खेलबाट ९ अंक जोडेको युनाइटेड ९ अंकसहित शीर्ष स्थानमा छ । राति नै भएको खेलमा न्युक्यासलले वेष्ट ह्यामलाई ३–० तथा स्वान्सी सिटीले क्रिष्टल प्यालेसलाई २–० ले हराएका छन् ।