पाकिस्तानको नयाँ मन्त्रिपरिषदले शपथ लियो

एजेन्सी, २० साउन । पाकिस्तानको नयाँ मन्त्रिपरिषदले आज आफ्नो पद तथा गोपनीयताको शपथ लिएको हो । पाकिस्तानका नयाँ प्रधानमन्त्री सहिद खक्वान अब्बासी र उनको मन्त्रिपरिषदका सदस्यहरुले आज शपथ लिएका छन् । खक्वानी तीनदिन अघिमात्र पाकिस्तानको प्रधानमन्त्रीमा निर्वाचित भएका थियो । उनले ४६ सदस्यीय मन्त्रिमण्डल गठन गरेको पाकिस्तानी सञ्चारमाध्यमहरुले जनाएका छन् ।
सोही मन्त्रिमण्डलले आज राजधानी इस्लामावादमा पाकिस्तानी राष्ट्रपति ममनुन हुसेनसँग आफ्नो पद तथा गोपनीयताको शपथ लिएको पाकिस्तानी सरकारी टेलिभिजन, पिटीभीले जानकारी दिएको छ ।
पाकिस्तानको सर्वोच्च अदालतले एक हप्ता अघि प्रधानमन्त्री नवाज सरिफमाथि भ्रष्टाचारको आरोपलाई लिएर प्रधानमन्त्रीको पदमा बस्न अयोग्य घोषणा गरेपछि उनले राजिनामा दिएका थियो ।