आज पनि घट्यो सुनचाँदीको मूल्य

भक्तपुर, १९ साउन । आज सुनको मूल्यमा ४ सय रुपैयाँले घटेको छ । हिजो प्रतितोला ५४ हजार ६ सय रुपैयाँ रहेको सुन आज ४ सय रुपैयाँले घटेर ५४ हजार २ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, महासंघका अनुसार चाँदीको मूल्य पनि १० रुपैयाँले घटेको छ । हिजो ७ सय ४० रुपैयाँ प्रतितोलामा कारोबार भएको चाँदी आज १० रुपैयाँ घटेर ७ सय ३० मा कारोबार भएको छ ।