बसले मोटरसाइकललाई ठक्कर दिँदा मोटरसाइकल चालकको मृत्यु

धादिङ, १५ साउन । धादिङमा बसले मोटरसाइकललाई ठक्कर दिँदा मोटरसाइकल चालकको मुत्यु भएको छ ।
बेनीघाट रोराङ गाउँपालिका–५ अन्तर्गत विशालटारमा चितवनबाट काठमाडौंको लागि छुटेको ना ५ ख ७२३५ नम्बरको बसले काठमाडौंबाट चितवन जाँदै गरेको ना २९ प १४५५ नम्बरको मोटरसाइकललाई ठक्कर दिँदा मोटरसाइकल चालक आशिष उपाध्यायको मुत्यु भएको हो ।
भरतपुर महानगरपालिका–१० का २० वर्षका उपाध्यायको मलेखुको राजमार्ग सामुदायिक अस्पतालमा उपचारका क्रममा मुत्यु भएको जिल्ला प्रहरी कार्यालय धादिङले जानकारी दिएको छ ।