इन्टर मिलानले बायर्न म्युनिखलाई हरायो

एजेन्सी, १३ साउन । प्रि–सिजन अन्तर्गत जारी मैत्रीपूर्ण खेलमा इटालियन क्लब इन्टर मिलानले जर्मन च्याम्पियन बायर्न म्युनिखलाई २–० ले पराजित गरेको छ ।
इन्टरको जितमा दुवै गोल फरवार्ड एडरले गरेका थिए । खेलको आठौं मिनेटमा एडरले हेडर मार्फत गोल गर्दै टोलीला अग्रता दिलाएका थिए । उनले दायाँबाट जोनाथन बिबिईनीले गरेको क्रसमा उत्कृष्ट हेडीङ गरेका थिए । ३०औं मिनेटमा एडरले पुनः हेडरबाटै गोल गरेर इन्टरको अग्रता दोब्बर पारे । निर्धारित समयमा थप गोल हुन नसकेपछि इन्टरले जित हात पार्यो ।