आज वीर अस्पतालको १२८ औ वार्षिकोत्सव

काठमाडौ, १२ साउन । देश कै जेठो अस्पतालको रुपमा परिचित वीर अस्पतालले आज १२८ औं बार्षिक उत्सव मनाउँदै छ । चिकित्सा विज्ञान राष्ट्रिय प्रतिष्ठान वीर अस्पतालले आज एक कार्यक्रम गरी आफ्नो १२८ औं बार्षिक उत्सव मनाउँन लागेको हो ।
अस्पताल बि.सं. १९४६ साउन (सन् १८८९ जुलाई) मा बीर शम्शेरद्वारा स्थापित गरिएको थियो । त्यसैले यस अस्पतालको नाम वीर अस्पताल राखिएको हो । वीर अस्पताल सन् २००३ पश्चात चिकित्सा विज्ञान राष्ट्रिय प्रतिष्ठान मार्फत सञ्चालित छ ।
अस्पतालले देशभरका सबै तह र तप्काका व्यक्तिहरूका लागि उच्च गुणस्तरको चिकित्सा तथा शल्य चिकित्सा उपचार प्रदान गर्दै आएको छ ।