मध्यपुर थिमिमा जुवा तास खेल्दै गरेका १२ जुवाडे पक्राउ

भक्तपुर, ८ साउन । भक्तपुरमा अवैध जुवा खेलिरहेका १२ जनालाई प्रहरीले पक्राउ गरेको छ । मध्यपुर थिमि नगरपालिका–१ लोकन्थलीस्थित सुदर्शन बिष्टको घरमा हिजो राति तास खेलिरहेका १२ जनालाई पक्राउ गरिएको महानगरिय प्रहरी परिसरका प्रवक्ता एवं डिएसपी कृष्ण प्रसाईंले जानकारी दिए ।
जुवा खेलिरहेको खालबाट महानगरिय प्रहरी परिसरबाट खटिएको प्रहरी टोलीले उनीहरुबाट ८५ हजार १ सय ९० रुपैया र तास १५ बुक समेत बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।