मोनाकोका डिफेन्डर मेन्डी म्यानचेस्टर सिटी जाँदै

एजेन्सी, ८ साउन । इंग्लिस क्लब म्यानचेस्टर सिटीले फ्रान्सेली क्लब मोनाकोका डिफेन्डर बेन्जामिन मेन्डीलाई  भित्र्याउने भएको छ । २३ वर्षका फ्रान्सेली लेफ्ट ब्याक मेन्डीलाई सिटीले पाँच करोड २० लाख पाउण्ड स्ट्रर्लिङमा अनुबन्ध गर्ने सहमति गरेको हो ।
मेन्डी गएको सिजन मार्सेइलीबाट मोनाका आएका थिए । उनले मोनाकोलाई १७ वर्षपछि लिग वानको उपाधि दिलाउने क्रममा महत्वपूर्ण भूमिका खेलेका थिए । उनले गएको सिजन मोनाकोबाट ३४ खेल खेलेका थिए । अनुबन्धको औपचारिक घोषणा भने हुन बाँकी छ ।