अमेरिकाले लगायो इरानमाथि नाकाबन्दी

एजेन्सी, ४ साउन । आतंकवादी संगठनलाई सहयोग पुर्याएको भन्दै अमेरिकाले इरानमाथि नाकाबन्दीको घोषणा गरेको छ । अमेरिकाले व्यालेष्टिक मिसाइल परिक्षण र आतंकवादी संगठनलाई सहयोग पुर्याएको आरोप लगाउँदै इरानमाथि नाकाबन्दीको घोषणा गरेको हो । नाकाबन्दीको प्रभाव इरानका १८ कम्पनी र विभिन्न व्यक्तिमाथि पर्ने अमेरिकी विदेश मन्त्रालयले जनाएको छ ।
मन्त्रालयले विज्ञप्ति जारी गर्दै सिरिया, हिज्बुल्लाह, हमासलगायतका विभिन्न मुलुकका आतंकवादी संगठनलाई सहयोग गरेको आरोप लगाएको छ । अमेरिकाले आफ्नो देशमाथि लगाएको नाकाबन्दीपछि इरान पनि कडा रुपमा प्रस्तुत भएको छ । इरानले आफ्ना देशमा क्रियाशिल अमेरिकी कम्पनी र व्यक्तिमाथि प्रतिबन्ध लगाउने चेतावनी दिएको छ ।