राष्ट्रपति भण्डारी र प्रधानमन्त्री देउवाबीच भेटवार्ता

काठमाडौं, १ साउन । राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच भेटवार्ता भएको छ । राष्ट्रपति भवन शीतलनिवासमा आज भेटवार्ता भएको हो । भेटवार्तामा राजनीतिकलगायत समसामयिक विषयमा छलफल भएको छ ।
शीतल निवास स्रोतका अनुसार मन्त्रीपरिषद् विस्तार ढिलाई र चुनावको बिषयमा छलफल भएको छ । त्यस्तै राष्ट्रपति कार्यालयले १६ करोडको गाडी खरिद गर्ने भन्ने विषयको पनि राष्ट्रपति भण्डारी र प्रधानमन्त्री शेरबहादुर देउवाबीच छलफल भएको थियो । मिडिया र सामाजिक सञ्जालमा १६ करोडको गाडी खरिद गर्ने विषयमा चौतर्फि विरोध आएकोमा भण्डारी चिन्तित भएको स्रोतले जनाएको छ ।
राष्ट्रपति भण्डारी र प्रधानमन्त्री देउवाबीच नियमित भेटघाट भएको राष्ट्रपतिका सञ्चारविज्ञ माधव शर्माले जानकारी दिए । उनीहरुबीच सामान्य मात्र छलफल भएको शर्माले बताए ।