काठमाडौंमा दिउँसै ३२ लाख लुट्ने ५ अभियुक्त पक्राउ

काठमाडौं, २१ जेठ । काठमाडौंमा दिउँसै ३२ लाख रुपैयाँ लुट्ने लुटेराको समूहका केही मान्छेलाई प्रहरीले पक्राउ गरेको छ । गएको शुक्रबार म्हेपीबाट ३२ लाख रुपैयाँ लुट्ने समूहका ५ जनालाई महानगरीय प्रहरी परिसर काठमाडौंले पक्राउ गरेको हो ।
पक्राउ पर्नेमा तारा बोहोरा, सरोज श्रेष्ठ, सुजन अधिकारी, ज्ञानहरी पुन र अन्जन थापा छन् । अन्य चार जना भने फरार रहेको महानगरीय प्रहरी परिसर काठमाडौंका एसएसपी छविलाल जोशीले जानकारी दिए । लुटेराको साथबाट प्रहरीले दुई लाख रुपैयाँ बरामद गरेको छ ।
लुटेराले शुक्रबार दिउँसो महाराजगन्जस्थित एनएमवी बैंकबाट ३२ लाख रुपैयाँ लिएर हिडेका जग्गा कारोवारी रोशन वोगटीको साथबाट मध्य दिउँसो ३२ लाख लुटिएको थियो ।