सरोगेसी मार्फत दुई सन्तानका बाबु बने करण जोहर

एजेन्सी, २२ फागुन । चर्चित बलिउड निर्देशक करन जोहर जुम्ल्याहा सन्तानका पिता बनेका छन्। ४४ वर्षे अविवाहित निर्देशक जोहर सेरोगेसीबाट बाबु बनेका हुन् । एक छोरा तथा एक छोरी जुम्ल्याहा सन्तानका रूपमा उनलाई सन्तान प्राप्त भएको हो । उनी फेब्रुवरीमा नै ती सन्तानका पिता बनेको खुलासा भएको छ । करणले आफ्ना छोरालाई पिता यश जोहरको नाम दिएका छन् भने छोरीको नामाकरण भने रूही गरेका छन् ।
उनका ती दुई सन्तानको जन्म ७ फरवरीमा अंधेरीको मसरानी हस्पिटलमा भएको छ । करण अघि शाहरूख खान तथा तुषार कपुरले पनि सेरोगेसीबाट सन्तान जन्माइसकेका छन् । बाबु बनेको खुशी व्यक्त गर्दै करनले आफ्नो जीवनमा दुई सुन्दर पाहुनाको आगमनबारेमा साझा गर्न पाउँदा आफूलाई खुशी लागेको बताएका छन् । उनले ती सन्तान आफ्ना जीन्दगीका आधार भएको पनि बताए ।
त्यस्तै करनले आफु शारिरिक, मानसिक र भावनात्मक रूपमा तयार भएर बाबु बनेको बताउँदै भने, म बताउन चाहन्छू की मेरा बच्चा नै मेरा संसार र प्राथमिक्ता हुन् ।