स्ववियु चुनाव हारेपछि नेविसंघकी नेतृले गरिन् आत्महत्या

काठमाडौं, १९ फागुन । स्वतन्त्र विद्यार्थी युनियनको चुनाव हारेपछि स्याङ्जामा नेपाल विद्यार्थी संघकी नेतृले आत्महत्या गरेकी छन् । फेदीखोलास्थित सिद्धार्थ बहुमुखी क्याम्पसमा अध्ययरत २० वर्षीया रिमा क्षेत्रीले आत्महत्या गरेकी हुन् । हिजो भएको स्ववियु चुनावमा उनी अध्यक्ष पदमा पराजित भएपछि आत्महत्या गरेकी हुन् । अनेरास्वियुका उम्मेद्वार प्रतिष्ठा कार्कीसँग उनले हार व्यहोरेकी थिइन्।
उनले फेदीखोला–९ डाँडागाउँस्थित आफ्नै घरमा आत्महत्या गरेकी छन् । टिनले छाएको घरको माथिल्लो तलामा उनले सलले पासो लगाएर आत्महत्या गरेको प्रहरीले जनाएको छ ।
प्रहरी इन्स्पेक्टर सुनिल प्रधानका अनुसार उनको सुसाइड नोट पनि भेटिएको छ । र, त्यसमा आफ्नो मर्ने मन नभएपनि चुनावी हारका कारण आत्महत्या गरेको उल्लेख गरेकी छन् ।