म्यानचेस्टर युनाइटेड र हल सिटी बराबरीमा

एजेन्सी, २० माघ । इंग्लिस प्रिमियर लिग अन्तर्गत गएराति घरेलु मैदानमा भएको खेलमा म्यानचेस्टर युनाइटेडले जित निकाल्न सकेन । म्यानचेस्टर युनाइटेड हल सिटीसँग गोलरहित बराबरीमा रोकिएको हो । घरेलु मैदान वल्ड ट्राफोर्डमा भएको खेलमा हल सिटी युनाइटेडलाई गोलरहित बराबरीमा रोक्न सफल भयो ।
खेलमा नियन्त्रण भएपनि युनाइटेडले गोल भने गर्न सकेन । हल सिटीका गोल रक्षक एल्डिन ज्याकुपोविक युनाइटेडका लागि बाधक बने । पहिलो हाफमा जाल्टन इब्राहिमोविच र पउल पोग्बाको प्रहार उनले सुन्दर बचाउ गरे । यस्तै दोस्रो हाफमा पनि इब्राहिमोविच, आन माटा तथा पोग्बाको प्रहार ज्याकुपोविकले गोल हुन दिएनन् । यो सिजन युनाइटेडको यो नवौं बराबरी हो । बराबरीपछि छैटौं स्थानको म्यानचेस्टर युनाइटेडको २३ खेलबाट ४२ अंक भएको छ ।
युनाइटेड चौथो स्थानको लिभरपुल तथा पाँचौं स्थानको म्यानचेस्टर सिटी भन्दा चार अंकले पछि छ । शीर्ष स्थानको चेल्सीको ५६ अंक छ । म्यानचेस्टर युनाइटेडलाई बराबरीमा रोकेको हल सिटी १७ अंकसहित पुछारबाट दोस्रो स्थानमा छ ।